Observatorios públicos

🔍 Observatorios públicos

As administracións crean observatorios para seguir un tema (a violencia de xénero, a vivenda, o cambio climático, o comercio…) e publicar informes sobre el. Esta páxina resume o censo que mantén observatoriospublicos.es: cantos hai, quen os crea, cando naceron e se seguen activos.

Cando se crearon

Observatorios creados cada ano e total acumulado. Só 194 dos 520 teñen data de creación no censo, así que as barras quedan curtas. Entre os que teñen data, o 65 % naceu en 2015 ou despois (os máis recentes tamén adoitan ter a data mellor documentada).

Quen os crea e cantos seguen activos

Por nivel da administración. O censo só marca como pechados 7 observatorios; do total, o 50 % non ten información sobre se segue funcionando.

Por comunidade autónoma

Observatorios autonómicos, provinciais e locais de cada comunidade, por millón de habitantes. A comunidade sae do ámbito que indica o censo ou, se non o di, do nome do observatorio: o municipio (cruzado cos do INE), a illa ou provincia, ou o xentilicio ("Andaluz", "Galego"…). Quedan 50 sen situar porque o seu nome non permite sabelo ("Observatorio Social", "Observatorio del Agua"…).

Quen gobernaba cando se crearon

Cada observatorio con ano de creación atribúese ao partido que gobernaba a administración que o creou a metade dese ano: o Goberno de España para os estatais, a presidencia da comunidade para os autonómicos e a alcaldía para os municipais. Así atribúense 160 dos 520 observatorios do censo: o resto non ten data de creación, é dunha deputación ou cabido (16, sen datos de quen os presidía) ou non se pode situar. En 15 casos o goberno cambiou ese mesmo ano e a atribución é menos segura.

Contar sen máis favorece a quen máis gobernou, e tamén a quen goberna agora: créanse cada vez máis observatorios (e o censo documenta mellor os recentes). Para descontalo, a táboa compara os observatorios observados cos esperados se cada partido seguise a tendencia do resto do censo nos anos en que gobernou (para os estatais, a dos autonómicos e locais, que non dependen do Goberno de España). Unha ratio de 1 é o esperable; 2, o dobre; 0,5, a metade.

Descontada a tendencia, no Goberno de España o PSOE crea 1,21 veces o esperado e o PP 0,54 veces: unha diferenza maior da que explicaría o azar, aínda que con poucos casos. Nas comunidades, o PSOE está en 1,14 e o PP en 0,88: unha diferenza que o azar pode explicar.

Todos os observatorios

Fonte: observatoriospublicos.es, censo cidadán de observatorios das administracións públicas españolas. O nivel e a comunidade dedúcense do ámbito que indica o censo e, se non o indica, do nome do observatorio (municipios do INE, illas, provincias e xentilicios). O estado "Sin información" significa que o censo non di se o observatorio segue activo. Partido: presidencias do Goberno de España e das comunidades autónomas revisadas a partir de Wikidata e das fontes oficiais, e alcaldes do Sistema de Información Local do Ministerio de Política Territorial (quen goberna cada municipio).